காதலின் மீதியோ நீ-10

காதலின் மீதியோ நீ-10

நித்ராவின் மூளைக்குள் ஆயுஷின் முத்தம் மட்டுமல்ல அவனே மொத்தமாகப் போய் உட்கார்ந்துக் கொண்டான்

தன்னில் அவன் தொலைகிறான் என்று தெரிந்ததும் நித்ரா அதிர்ந்து அவனையே பார்த்திருந்தவளது கண்களும் ஆயுஷின் முத்தத்தில் அவனிடம் தன்னைத் தொலைக்கத் தொடங்கினாள்.

அவளது கண்களும் அவளையறியாமல் மூடிக்கொண்டது. அவளது மனக்கதவுகள் அவளறியாது ஆயுஷிற்காகத் திறந்துக்கொடுத்து அவனை சாமரம் வீசிதனது நெஞ்சுக்குள் அரியணை ஏறவைத்தது.

ஆயுஷின் உதடுகள் அவளது உதடுகளைக் கொத்தாக இழுத்து பற்களுக்குள் கொண்டுசென்று அப்படியே உறிந்து மெது மெதுவாக தனது நாவினால் தொட்டுத் தொட்டு சுவைத்தது.

அவனது கைகளோ நித்ராவின் வயிற்றில் இருந்து மேலேறி அப்படியே தன் ஆதிக்கத்தைச் செலுத்தத் தொடங்கியது.

ஒற்றைக் கையால் மெதுவாக அவளின் பின்பக்கத் தலையை இழுத்துப்பிடித்து தனக்கு வசதியாக வைத்துக்கொண்டான்.

ஆயுஷ் இப்போது தனது கைகளில் கண்களை மூடி அப்படியே முத்தத்தில் லயித்திருந்தவளைக் கண்கள் திறந்துப்பார்த்தான்.

எந்தவிதமான பாசாங்கும் இல்லாது தனது முத்தத்தை ரசிக்கிறாள் என்று புரிந்தவன் வயிற்றில் ஒரு கையை வைத்து வேகமாக அழுத்தப்பிடித்துத் தன்னோடு இன்னும் இறுக்கினான்.

இரு கைகளாலும் முதுகோடு அனைவுபோட்டுப் பிடித்து அணைத்துக்கொண்டான்.

எவ்வளவு வேகமும் இறுக்கமுமாகப் பிடிக்கிறான் என்று அவ்வ்வ் ஷ்ஷ்ஷ் என்று சத்தமிட்டவள் மொத்தமாக அவனது கைக்குள் பாந்தமாக நின்றிருந்தாள்.

அவளின் உதட்டிலிருந்து தனது உதட்டை விலக்கியவன் நெற்றியிலும் முகத்திலும் உதடுக்கொண்டும் அவனது எச்சில்கொண்டும் அப்படியே ஊர்ந்தவன் அவளது காதுமடலைத் தனது உதட்டால் வருடிக்கொடுத்தான்.

அதில் கூச்சம் நெட்டித்தள்ள உடலை வளைத்து நெளித்தாள்.அவளது அங்கங்கள் இப்போது நன்றாக அவன்மீதே உரசிக்கொண்டும் அழுந்தி ஒட்டிக்கொண்டும் இருந்ததால் அவள் நெளிந்ததும் அவன்மீது அழுத்தம் அதிகமாகியதில் அவளை சுவரோடு வைத்துப் பிடித்துக்கொண்டான்.

“இன்னைக்கு ஆபிஸ் வந்ததும் என்னை வந்துப் பார்க்கணும்னு உனக்குத் தோணவேயில்லையா?” என்று மூச்சு ஒருமாதிரி ஏத்தயிறக்கமாக வர பேசினான்.

அவனுக்கே ஏன் இப்படிப் பேசுகிறோம் என்று தெரியவில்லை. ஆனாலும் அவளிடம் பேசும்போதே தன்னை மறந்துதான் பேசுகிறான். இதில் எங்கே எப்படிப் பேசுறான்னு எங்கே கவனிப்பான்?

இவனுக்கு என்னாச்சு மொத்தமா ஒத்தை முத்தத்துல கவுந்துட்டான கரடி? ஐயோ அது தப்பாச்சே. இவனுக்கும் நமக்கும் செட்டேயாகுதுடி நித்ரா. அப்படியே அவன்கிட்டயிருந்து எஸ்கேப்பாகிடுடி என்று உள் மனம் எச்சரித்தது.

“உடனே சார் சார் நான் எதுக்கு சார் உங்களை வந்து பார்க்கணும்னு நினைக்கப்போறேன். உங்களுக்கு வேணும்னா தினமும் குட்மார்னிங் வந்துச் சொல்லுறேன் சார்”என்று பாவமாகச் சொன்னவளை முறைத்துப் பார்த்தான்.

“என்னாச்சு சார்?”

“முதல்ல இந்த சாருன்னு கூப்பிடுறதை நிறுத்து. ஜீஜூன்னுக் கூப்பிடு இல்லை ஆயுஷ்னு கூப்டு. அதென்ன சார் சார்னு கடுப்பாகுது” என்று பல்லைக் கடித்தான்.

“அதெல்லாம் அப்புறமா பார்த்துக்கலாம் முதல்ல என் கையை விடுங்க சார். நீங்க தள்ளி நில்லுங்க சார்.உங்க ஆபிஸ்ல வேலைப்பார்க்கிற ஒரு பொண்ணுக்கிட்ட இப்படியெல்லாம் நெருங்கக்கூடாது சார் .நானே கல்யாணமாகத கன்னிப்பொண்ணு, நாளைக்கு எனக்கும் கல்யாணமாகணும். இப்படியெல்லாம் பிஹேவ் பண்ணாதிங்க .இந்த முத்தம் கொடுக்கிறதெல்லாம் சரிவராது”என்று முகத்தைத் திருப்பினாள்.

அவனோ எந்தவிதமான பதிலையும் சொல்லாது இருக்கவும் மீண்டும் அவன்பக்கமாகத் திரும்பிப் பார்த்தாள்.

அவனோ ஒரு மார்க்கமாகச் சிரித்து “இந்த பதினைஞ்சு நாளைக்கு முன்னாடி ஒரு பெரிய மானஸ்தி வந்து கோபத்துல என் கன்னத்துல உதட்டுலன்னு முத்தம் முத்தமா மொத்தமா அள்ளிக் கொடுத்தாள். அவள் யாருன்னு உனக்குத் தெரியுமா நித்து?”

“அது எனக்குத் தெரியாது சார். அது நீங்கதான் தேடிக் கண்டுப்பிடிக்கணும். என்னை விடுங்க சார் .நான் போகணும்”என்று அவனை இடித்துத் தள்ளிக்கொண்டு வர முயன்றாள்.

அவனோ இப்போது இன்னும் இடுப்பை நன்கு வளைத்துப் பிடித்து இறுக்கியவன் ”நான் கண்டுப்பிடிச்சிட்டேன். அவள் தந்ததை நூறு மடங்கு என்ன ஆயிரம் மடங்காக நான் குடுக்கப்போறேன். வாழ்நாளெல்லாம் அந்த முத்தத்தைத் தினம் தினம் கொடுக்கப்போறேன்” என்று சொல்லிமுடிப்பதற்குள்ளாகவே அவளது உதடுகளைக் குனிந்து முத்தமிட்டு மீண்டுமாகக் உதட்டால் உதடுரசி காதல் தீயை மூட்டிக்கொண்டிருந்தான்.

ஐயோ இவன் என்னை மொத்தமாகக் கொல்லுறானே என்று அவனை அடிக்க கையோங்க” அவனோ கையைப்பிடித்து அவனது தோளில் வைத்துக்கொண்டான்.

இப்போது அவனுக்கு அவளோடு இயைந்து முத்தம் கொடுக்க இன்னும் வசதியாகிற்று.

“அடேய் வெள்ளக்கரடி உன்காதலுக்கு நான் செட்டாகமாட்டேன்டா. உனக்கும் எனக்கும் ஒத்துவராதுடா. விட்றுடா” என்று மனம் பிதற்றியது.

அதில் அவளது தலை தானாக அங்குமிங்கும் தானாக ஆடியது. அதைப்பார்த்தவன் மெதுவாக அவளது இதழை விடுவித்து அப்படியே முகத்தை ஒரு நிலையாகப்பிடித்து ”முத்தம் குடுக்கும்போது இப்படித் தலையத் தலையாட்டினா எனக்கு டிஸ்டர்ப் ஆகுமா ஆகாதா. டிஸ்டர்ப் பண்ணாமல் ஒழுங்கா நில்லு 

இவர்கள் பேசிக் கொண்டிருக்கும் போதே அறையின் கதவு தட்டப்பட்டது. அவர்கள் விலகி நிற்க கோவிந்த் உள்ளே வந்தவன் பெரிய சார் வர்றாங்க என்று அவரது சூட்கேசை வைத்துவிட்டுச் சென்றான்.

ஜெகன்னாத்தோ நார்மலாக உள்ளே வரவும் ஆயுஷ் நித்ராவின் கையில் ஒரு பைலை கொடுத்து போகும்படியாக கண் ஜாடை காட்டினான்.

அவளும் வேறு வழியின்றி அதை எடுத்துக்கொண்டு வெளியே போகவும் குப்தா உள்ளே வரவும் சரியாக இருந்தது.

உடனே நித்ரா குட்மார்னிங் சார் என்றதும் அவளது முகத்தைப் பார்த்தவர் “குட்மார்னிங் குட்மார்னிங் உன் ஹெல்த் எப்படி இருக்கு?ஆர் யூ ஓகே நவ்?”என்று கேட்டார்.

இப்போ பரவாயில்லை சார் என்றுவிட்டு கடந்துபோனவளின் முகம் பதட்டத்தில் இருப்பதை பார்த்தார்.

‘அப்போ நம்ம மகன் அவளைத் தனியாகக் கூப்ட்டு வைச்சு நம்ம இல்லாத நேரமாக பேசிட்டிருக்கான். பேச்சு மட்டும்தான்னா ஓகே ஆனா.இங்க வேற எதுவும் நடக்குது போல’என்று மனதிற்குள் குறித்து வைத்தவர் தனது அறைக்குள் நுழைந்து சேரில் உட்கார்ந்தார்.

ஆயுஷ் தனது லேப்டாப்பில் இருந்து தலையை எடுத்தவன் “குட்நூன் டாடீ.என்னாச்சு இன்னைக்கு இவ்வளவு நேரமாகிட்டு!”என்று கேசுவலாகக் கேட்டான்.

அவனது சட்டைக் கசங்கி இருந்தது.இப்படியெல்லாம் சின்னதாகக்கூட அவனது சட்டையில் கசங்கல் இருக்காதே. ஆக மகன் வேற ரூட்டு எடுத்துட்டான்.கல்யாணமே வேண்டாம்னு இருந்தவன் மனசுக்குள்ள இந்த கொஞ்ச நாளிலயே நித்ரா வந்துட்டான்னா அவளது அழுத்தமான தடம் மகன் மனசுல பதிஞ்சிட்டு.நடக்கட்டும் நடக்கட்டும் என்று கண்டுக்கொள்ளாது இருந்தார்.

 காலையிலயே உங்க அத்தையும் மாமாவும் ஜெர்மனியில் இருந்து வர்றாங்கன்னு சொன்னதை மறந்துட்டு ஏன் லேட்டுன்னு கேட்கிறாம்னா அவன் இந்த வேற உலகத்துல இருக்கான் அவ்வளவுதான்.

“ஆயுஷ்”

“சொல்லுங்க டாடீ”

“உனக்குக் கல்யாணம் பண்ணிவைக்கலாம்னு இன்னைக்கு எல்லோருகிட்டயும் முடிவு பண்ணி பேசிட்டு வந்திருக்கேன்”

“என்ன டாடீ இது இவ்வளவு சீக்கிரமா என்கிட்டக்கூட எதையும் டிஸ்கஸ் பண்ணாமல் நீங்களா பேசி முடிவு பண்ணிட்டு வந்திருக்கேன்னா என்ன அர்த்தம் டாடி?”

“ஆயுஷ் இதென்னக் கேள்வின்னு கேட்கிற?”

“டாடீ நான் ஏற்கனவே முன்னாடியே சொல்லிருக்கனே. எனக்கு இப்போதைக்கு கல்யாணம் வேண்டாம். எனக்கு கல்யாணம் பண்ணனும்னு தோணும்போது நானே சொல்லுறேன்” என்று வார்த்தைகளை கொஞ்சம் தடித்தே பேசினான்.

“என்ன பேசுற ஆயுஷ் நீ உனக்கு முப்பத்திமூணு வயசு ஆகிட்டு. இதுக்கு மேல கல்யாணம் பண்ணிக்காமல் இருந்தா நம்ம குடும்பத்தை பத்தி என்ன சொல்லுவாங்க. மூத்த மகனுக்கு இன்னும் கல்யாணம் பண்ணிக்காமல் இருக்காங்க. அதனால இளைய பிள்ளைகளுக்கும் கல்யாணம் முடியலன்னு பேசுவாங்களா? இல்லையா?

“அதுக்கு நான் என்ன டாடீ பண்ணமுடியும்?”

 நீ ஒன்னும் பண்ணவேண்டாம். இன்னைக்கு அத்தை வந்திருக்கால அவக்கிட்ட உன் கல்யாணத்த பத்திதான் பேசிட்டு இருந்தோம். ராகவி அத்தைப் பொண்ணு ரிச்சாவை உனக்குப் பேசி முடித்திருக்கோம்.உனக்கு எப்போ கல்யாணம் பண்ணிக்கணும்னு சொல்லு உடனே நாள் குறிச்சு ஏற்பாடு பண்ணிடலாம்” என்று சொன்னார்.

“டாடீ எனக்குக் கொஞ்சம் யோசிக்க டைம் வேணும் ப்ளீஸ்.நான் இதைப்பத்தி அப்புறமாக பேசுறேன்” என்று எழுந்து வெளியே வந்துவிட்டான்.

அவனது மனது ஒரு நிலையில் இல்லை.நித்ரா மீது காதல் வந்திருக்கிறது.அதை உறுதிப்படுத்தியப்பின்தான் எதையுமே பேசமுடியும். எனக்குமே அவளைக் கல்யாணம் பண்ணிக்கணுமான்னு தோணுதே.அவளைக் கல்யாணம் பண்ணிக்கொண்டால் என் ஸ்டேட்டஸ் என்னாகுறது?ஆனால் அவளில்லாமலும் இருக்க முடியாதுபோல. ரொம்ப நேசிக்கறனே என்று தனது காரில் குத்தியவனுக்கு கைதான் வலியெடுத்தது. ஒரு முடிவுக்கு வரமுடியவில்லை.

இப்படியாக இரண்டு மூன்றுநாள் ஓட்டிவிட்டான்.அவனால் மனதினை மாற்றிக் கொள்ள முடியவில்லை.

அங்கே வீட்டிலும் ரிச்சாவோடு யதார்த்தமாக்ககூட நின்னு பேசுமுடியாது தவித்தான்.அவள் அருகில் வந்தாலே பேசாது தவிர்த்தான்.

வீட்டில் எல்லோருக்குமே அவர்கள் இருவரும் கல்யாணம் பண்ணிக்கப்போறவர்கள் என்று தெரியும் என்பதால் ரிச்சா அவனிடம் பேசப்போனாளென்றால் தனிமை ஒதுக்கிக்கொடுத்தனர்.

ஆனாலும் அவன் ரிச்சாவிடம் பேசவோ அவளிடம் நெருங்கவோ முடியாது தவித்தான்.

அவனது மனதில் மொத்தமாக நித்ரா வந்து அனுமதியில்லாமலே ஆக்கிரமித்திருந்தாள்.

அதை புரிந்தாலும் தனது நிலையில் இருந்து இறங்கிவர அவனது மனம் இன்னுமே இறங்கவில்லை.

அவளோடு முத்தமிடுகிறான் கொஞ்சுகிறான்.அவளிடம் பேசவில்லை என்றால் பைத்தியம் பிடிக்கிறதுபோல உணருகிறான்.

இன்னும் அவளில்லாமல் எனது வாழ்க்கை முழுமையடையாது என்கின்றதை ஒத்துக்கொள்ள அவனது மனமே தடுக்கிறது.

அவனது மனம் நித்ராவையே நித்தமும் நினைக்கிறது.மொத்த பித்தமும் சிதைகிறது என்ற நிலைக்கு வந்தபிறகும் இந்த ஈகோவைத் தூக்கிப்போட முடியாதென்ற நிலையா?